dard ki harr ik hadd se ab guzar gaya hoo'n mai
phir kabhi na simtunga you'n bikhar gaya hoo'n mai

maut bas nahee'n aati rooh k nikalne se
sans mujh mai baqi hai phir bhi marr gaya hoo'n mai

zindagi mai jitni bhi roshni thi uss se thii
mustaqil andhero'n mai abb utar gaya hoo'n mai

baam o darr bhi uske baad ho gaye hain you'n khamosh
aur dil ulajhta hai jabb bhi ghar gaya hoo'n mai

uska sath jab tak tha rung rung mausam thai
bas khiza'n k mausam mai ab thhehar gaya hoo'n mai


Sad Ghazals

Sad SMS

This post was last modified: 12-03-2009 07:12 PM by Xufyan.

Behke Behke Huwe Andaaz-e-Bayan Hote Hain,
Aap Hote Hain To Phir Hosh kahan Hote Hain,

Hont Paband Hain Mafhum Bayan Hote Hain,
Koi Samjhe To Yeh Aansu Bhi Zubaan Hote Hain,

Yaad Hai Teri Nigaahon ka Badalna Mujhko,
Aise Andaaz Qayamat Mein Kahan Hote Hain,

Kyun Shab-e-Gham Na Jalaun Teri Yaadon Ke Charagh,
Unse Roshan Meri Manzil Ke Nishan Hote Hain,

Gham Hai Baqi To Kisi Roz Khushi Bhi Hogi,
Phool Bhi Khaar Ke Pehlu Mein Jawaan Hote Hain..

Ghazals

This post was last modified: 12-03-2009 07:15 PM by Xufyan.

Ek Lamhe Ki Bus Khata Hai KOi
ab na manzil na rasta hay koi

Kaisay Dhundoon, Kahan Say Laon Usay ?
Pass Aa'kar Bichar Gaya Hai Koi . . .

Saans Lena Hi, Zindagee To Nahin . . .
RoZ Mar Mar Ke Jee Raha Hai Koi . . .

Mein Tere Pass Aa To Jaoon Mager . . .
Mujh'ko Roo Roo Ke RokTa Hai Koi . . .

Mujh'ko Is Raat Ki Sahar To Mile
Mein Be Samjhoon Mera ''Khuda'' Hai Koi . . .

Ek Lamhe Ki Bus Khata Hai KOi . . .
Abb Na Manzil Na Rasta Hai Koi . .

Ghazals

This post was last modified: 12-03-2009 07:15 PM by Xufyan.

Ghazlon mein tere ishq ka churcha na karen gay
Hum tujh ko yuon sar-e-aam ruswa na karen gay

Kiyon hum peh uthaeen sang-e-malamat ki fasilein
Behtar hai tere shehar mein hum aaya na karen gay

Yeh chaand yeh taary yeh haseen raat ka aalam
Munsoob tere naam se kya kya na karen gay

Wiraan hoey qasr-e-tamana ke dareechy
Aabaad kabhi pyar ki ab duniya na karen gay

Har cheez ki bohtaat mein nuqsaan bohat hai
Shiddat se kisi shakhs ko chaha na karen gay

Ghazals

This post was last modified: 12-03-2009 07:15 PM by Xufyan.

ab ke yuN dil ko sazaa dii hamne
us kii har baat bhulaa dii hamne

ek, ek phuul bahut yaad aaya
shaaKh-e-gul jab vo jalaa dii hamne

aaj tak jis pe vo shermaate haiN
baat vo kab kii bhulaa dii hamne

shah’r-e-jahaaN raaKh se aabaad huaa
aag jab dil kii bujhaa dii hamne

aaj phir yaad bahut aaya vo
aaj phir us ko du’aa dii hamne

ko’ii to baat hai us meN “Faiz”
har Khushii jis pe luTaa dii hamne

Ghazals

This post was last modified: 12-03-2009 07:16 PM by Xufyan.

JAL GAYA PHIR BHI BAHARON KI LAGAN BAQI HAI
BAAGH-E-UMEED MEIN KHUSHBOO-E-CHAMAN BAQI HAI

MUSKURA HUM BHI LIYE,UN SE GALE MIL KE MAGAR
JAANE KYOUN DIL MEIN ABHI EK CHUBHAN BAQI HAI

AAG GAR BUJH GAYEE,KYOU DIL KO SUKOON PHIR BHI NAHI
KUCH TO BAQI HAI JO SEENE MEIN GHUTAN BAQI HAI

ROOH TO JA BHI CHUKI,CHHORH KE MASKAN APNA
AB BACHA KYA HAI JO SEHNE KO BADAN BAQI HAI

KYOUN SADA MUJHKO DIYE JATA HAI MAAZI MERA
MAAT DE KAR BHI KOI AUR JATTAN BAQI HAI

GHAM HI AA JAATE HAIN MILNE KO JO GAAHE,GAAHE
KHUSH HOON DUNIYA MEIN ABHI KOI CHALAN BAQI HAI

MUSKURANE SE KHALISH BAAT KAHIN CHUPTI HAI
CHEHRA KEH DETA HAI,SEENE MEIN DUKHAN BAQI HAI

Ghazals

This post was last modified: 12-03-2009 07:16 PM by Xufyan.